मैया, मैं तो चंद-खिलौना लैहौं।
जैहौं लोटि धरनि पर अबहीं, तेरी गोद न ऐहौं॥
Maiyaa, main to chnd-khilaunaa laihaun.
Jaihaun loṭi dharani par abaheen, teree god n aihaun॥
सुरी कौ पय पान न करिहौं, बेनी सिर न गुहैहौं।
ह्वैहौं पूत नंद बाबा कौ, तेरौ सुत न कहैहौं॥
Suree kau pay paan n karihaun, benee sir n guhaihaun.
Hvaihaun poot nnd baabaa kau, terau sut n kahaihaun॥
आगैं आउ, बात सुनि मेरी, बलदेवहि न जनैहौं।
हँसि समुझावति, कहति जसोमति, नई दुलहिया दैहौं॥
Aagain aau, baat suni meree, baladevahi n janaihaun.
Hnsi samujhaavati, kahati jasomati, na_ii dulahiyaa daihaun॥
तेरी सौं, मेरी सुनि मैया, अबहिं बियाहन जैहौं।
सूरदास ह्वै कुटिल बराती, गीत सुमंगल गैहौं॥
Teree saun, meree suni maiyaa, abahin biyaahan jaihaun.
Sooradaas hvai kuṭil baraatee, geet sumngal gaihaun॥
.png)
