श्री अवधेसके द्वारें सकारें गई सुत गोद कै भूपति लै निकसे।
अवलोकि हौं सोच बिमोचनको ठगि-सी रही, जे न ठगे धिक-से।।
तुलसी मन-रंजन रंजित-अंजन नैन सुखंजन-जातक-से।
सजनी ससिमें समसील उभै नवनील सरोरूह -से बिकसे।1।
Shree avadhesake dvaaren sakaaren ga_ii sut god kai bhoopati lai nikase.
Avaloki haun soch bimochanako ṭhagi-see rahee, je n ṭhage dhik-se..
Tulasee man-rnjan rnjit-anjan nain sukhnjan-jaatak-se.
Sajanee sasimen samaseel ubhai navaneel sarorooh -se bikase. 1.
पग नूपुर औ पहुँची करकंजनि मंजु बनी मनिमाल हिएँ।
नवनीत कलेवर पीत झँगा झलकै पुलकैं नृपु गोद लिएँ।
अरबिंदु से आननु रूप मरंदु अनंदित लोचन -भृंग पिएँ।
मनमो न बस्यौ अस बालकु जौं तुलसी जगमें फलु कौन जिएँ।2।
Pag noopur au pahunchee karaknjani mnju banee manimaal hien.
Navaneet kalevar peet jhngaa jhalakai pulakain nripu god lien.
Arabindu se aananu roop marndu anndit lochan -bhring pien.
Manamo n basyau as baalaku jaun tulasee jagamen falu kaun jien. 2.
तनकी दुति स्याम सरोरूह लोचन कंजकी मंजुलताई हरैं।
अति सुंदर सोहत धूरि भरे छबि भूरि अनंगकी दुरि धरैं।
दमकैं दँतियाँ दुति दामिनि-ज्यों किलकैं कल बाल-बिनोद करैं।
अवधेस के बालक चारि सदा तुलसी-मन -मंदिर में बिहरैं।3।
Tanakee duti syaam sarorooh lochan knjakee mnjulataa_ii harain.
Ati sundar sohat dhoori bhare chhabi bhoori anngakee duri dharain.
Damakain dntiyaan duti daamini-jyon kilakain kal baal-binod karain.
Avadhes ke baalak chaari sadaa tulasee-man -mndir men biharain. 3.
